ઓસ્ટ્રેલિયન ઓપનમાં કોકો ગોફનો પરાજય

ઓસ્ટ્રેલિયન ઓપનમાં કોકો ગોફનો પરાજય

Blog Article

વર્ષની સૌપ્રથમ ગ્રાન્ડ સ્લેમ ટેનિસ ટુર્નામેન્ટમાં મંગળવારે સ્પેનની પૌલા બડોસાએ મેજર અપસેટમાં વિશ્વની ત્રીજી ક્રમાંકિત અમેરિકાની કોકો ગોફને એક કલાક 43 મિનિટના જબરજસ્ત જંગમાં સીધા સેટ્સમાં 7-5, 6-4થી ક્વાર્ટરફાઈનલમાં હરાવી હતી.

બડોસા કોઈપણ ગ્રાન્ડ સ્લેમની સેમિફાઈનલમાં પહોંચેલી સ્પેનની ફક્ત ચોથી મહિલા ખેલાડી છે. આ પહેલા 2020માં ગાર્બાઈન મુગુરૂઝા સેમિફાઈનલમાં પહોંચી હતી. કોઈ ગ્રાન્ડ સ્લેમ સ્પર્ધામાં ટોપના 10 ક્રમની હરીફ સામે બડોસાનો આ પહેલો વિજય છે. એક અન્ય મુકાબલામાં ટોપ સીડેટ એરીના સબાલેન્કાએ ભારે સંઘર્ષ પછી એનાસ્તાસિઆ પાવલુચેન્કોવાને 6-2, 2-6, 6-3થી હરાવી સેમિફાઈનલમાં બડોસા સામે મેચ નિશ્ચિત કરી હતી.

પુરૂષોના મુકાબલામાં બીજા ક્રમના એલેકઝાન્ડર ઝવેરેવે સ્પેનના જ ટોમી પોલને હરાવી સેમિફાઈનલમાં સ્થાન મેળવ્યું હતું. ઝવેરેવ સામે જો કે પોલે ખૂબજ રસાકસીભરી ટક્કર લીધી હતી, પણ અંતે ઝવેરેવનો 7-6(1), 7-6(0), 2-6, 6-1થી વિજય થયો હતો. છેલ્લા પાંચ વર્ષમાં ઝવેરેવનો આ ત્રીજીવારનો સેમિફાઈનલ પ્રવેશ રહ્યો છે.